Кыргызстанда расмий «Мисс Кыргызстан 2018» сулуулар сынагы өтөт, жеңүүчү Кыргызстандын атынан «Аалам периси» сынагына жолдомо алат.

Сынакка катышуу үчүн кастинг 14-октябрда 14:00дө «Азия Молл» соода борборунда болмокчу. Бул тууралуу «Мисс Кыргызстан 2017» наамынын ээси Бегимай Карыбекова билдирди.

«Сынактын жеңүүчүсү бир гана таажы тагынып, «Кыргызстан сулуусу» наамын гана албастан, Кыргызстанды дүйнөлүк аренадагы “Аалам периси” сынагында катышууга мүмкүнчүлүк алат», – дейт Карыбекова.

Кыргызстандын сулуусу болуш үчүн 16дан 26 жашка чейинки, бою 168 смден кем эмес биздин өлкөнүн жарандыгы бар, сулуулук жана акылды тең айкалыштырган кыздар катыша алышат.

Уюштуруучулардын айтымында, сынактын максаты, жеңичүүгө бир гана наамды тапшырып коюу эмес, андан аркы өнүгүүсү үчүн шарт түзүп, профессионалык умтулуусун колдоп, Кыргызстанды башка дүйнөлүк жана эл аралык сынактарга катышууга жол ачуу. Анын ичинде «Аалам периси».

Бардык катышуучулар демөөрчүлөрдөн баалуу белектерге ээ болушат. Ал эми «Вице Мисс» наамынын ээси эс алууга жолдомо алат.

«Мисс Кыргызстан 2018» сынагы «Аалам периси» сынагынын расмий өкүлдөрү тарабынан, бардык шарттарды жана эрежелерди сактоо менен жыл сайын уюштурулуп келет.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз. Ctrl+Enter.