Жогорку Кеңештин депутаты Айтмамат Назаровдун бизнес-омбудсмен институтун түзүү зарылдыгы тууралуу сунушуна тийиштүү КР өкмөтүнүн Аппараты төмөндөгүлөрдү билдирет.

Өкмөттүн «Биримдик. Ишеним. Жаратмандык» программасын ишке ашыруу алкагында ишкерлердин укугун, эркиндигин жана мыйзамдуу кызыкчылыктарын коргоо боюнча ыйгарым укуктуу жакты (бизнес-омбудсмен) түзүү маселеси иштелип чыгууда.

Бизнес-омбудсмен институтун түзүү максаты катары ишкерлердин укугун жана мыйзамдуу кызыкчылыктарын мамлекеттик коргоого алуунун кепилдигин жана алардын мамлекеттик бийлик органдары, жергиликтүү өз алдынча башкаруу органдары жана мекемелер жана мамлекеттик ишканалар жана кызматтык жактар тарабынан сакталышын камсыздоо болуп саналат.

Белгилесек, бир катар мамлекеттерде финансы омбудсмени, салык омбудсмени жана бизнес-омбудсмен сыяктуу институттар бар. Чет элдик тажрыйбаларды жана эксперттик пикирлерди эске алуу менен Кыргыз Республикасынын шартында бизнес-омбудсмен институтун түзүүгө карай бирдиктүү макулдашылган жана алгалыктуу кадам иштелип чыккан.

Бизнес-омбудсмен ага жүктөлгөн ыйгарым укуктар жана милдеттерге ылайык, ишкер субьектилердин мыйзамдуу кызыкчылыктарынын, жана/же башка укуктук бузуулардын, жана/же коррупциялык көрүнүштөрдүн алдын алуу максатында, мамлекеттик органдардын жана жергиликтүү өз алдынча башкаруу органдарынын ишинин айкындуулугун камсыздоого көмөктөшөт.

Болжолдонгондой, бизнес-омбудсменге караштуу катчылык, ошондой эле байкоочу кеңеш түзүлөт.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз. Ctrl+Enter.