Кыргыз Республикасында ышкыбоздук спорттук балык уулоо Нарын, Талас, Кара-Дарыя, Чүй дарыяларында жана алардын куймаларында, ошондой эле башка дарыяларда, жалпысынан 30дан ашык берилген уруксаттар (балык уулоо карталары жана билеттери) боюнча жүргүзүлөт. Балыктын 15 түрү ышкыбоздук жана спорттук балык уулоо объектилери болуп саналат, анын ичинен 2 түрү балыктын чектелген баалуу түрлөрү (Амударья форели жана дарыя османы).

   2023-жылы Кыргыз Республикасында ышкыбоздук жана спорттук балык уулоо кызматтары 7 аймактык коомдук уюмдар тарабынан көрсөтүлөт, алардын бир бөлүгү Кыргыз Республикасынын Мергенчилер жана Балыкчылар коомдор союзунун курамына кирет. Ышкыбоздук жана спорттук балык уулоо менен алектенген балыкчылардын жалпы саны (айыл калкын кошкондо) 100 миңден ашык адамды түзөт. Бул коомдук уюмдардын бардыгы өз ишмердүүлүгүн балык чарбасы чөйрөсүндөгү ыйгарым укуктуу орган – Кыргыз Республикасынын Айыл чарба министрлигине караштуу Балык чарба департаменти менен түзүлгөн келишимдин негизинде жүргүзүшөт.

   Бул балык уулоо тармагынын эң курч көйгөйлөрү болуп төмөнкүлөр саналат: дарыялардагы жана куймалардагы балык ресурстарынын кыскарышы, бул эс алуунун бул түрүнө суроо-талаптын өсүшүнө жана курчап турган чөйрөнү коргоо чөйрөсүндөгү ыйгарым укуктуу мамлекеттик органдар тарабынан балык сактоо боюнча иш-чараларды жөнгө салуу боюнча балык уулоого начар контролдук кылуу менен шартталган.

* Балык чарба департаментинин балык ресурстарын коргоо менен байланышкан жөнгө салуучу функциялары Кыргыз Республикасынын Жаратылыш ресурстары, экология жана техникалык көзөмөл министрлиги, Кыргыз Республикасынын Ички иштер министрлиги (жаратылыштык,  туристтик милиция) сыяктуу башка мамлекеттик органдардын жана башкалардын толуктоочу функциялары болуп саналат, бул балык ресурстарын коргоо жана браконьерликти кыскартуу боюнча мамлекеттик органдардын координациялоочу аракеттерин күчөтүүнү талап кылат.

   Балык запастарын коргоо системасынын төмөн потенциалы балык ресурстарына зыян келтирүүчү жана балык өстүрүү иштеринин натыйжалуулугун төмөндөтүүчү браконьерлер менен натыйжалуу күрөшүүгө мүмкүндүк бербейт.

   Ышкыбоздук жана спорттук балык уулоо жарандардын суроо-талаптын жогорулап жаткан эс алуунун бир түрү жана балык чарбасын өнүктүрүү үчүн финансылык ресурстардын негизги булактарынын бири катары.

   Уруксат берүүнүн аткарылышы жана алынган каражаттардын пайдаланылышы боюнча маалымат берүүнүн ачык жана жеткиликтүү механизмдерин иштеп чыгуу максатында «Тундук» МИ, Mega Kom уюлдук оператору жана КР АЧМ караштуу Балык чарба департаменти менен биргелешип электрондук балык уулоо билетинин системасын иштеп чыгуу жүргүзүлдү.

   Ышкыбоздук  жана спорттук балык уулоону өнүктүрүү коомдук уюмдардын, жергиликтүү бийлик органдарынын, эс алуу жана туризм мекемелеринин жана башка кызыккан тараптардын иштин бул түрүн пландаштырууга жана көзөмөлдөөгө толук кандуу катышуусун талап кылат.

Source – https://agro.gov.kg

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз. Ctrl+Enter.