12-майдан баштап 16-майга чейин туруксуз аба ырайы күтүлөт: 12-майда күндүз жана 13-16-майларда мезгил-мезгили менен жаан жаап, күн күркүрөшү, бийик тоолуу райондордо кар жаашы күтүлөт. 13-15-майларда Чүй, Ош, Жалал-Абад, Баткен облустарынын дыйканчылык аймактарында жана Ысык-Көл ойдуңунун чыгышында жаан-чачын катуу жаашы күтүлөт. 12-майда күндүз жана 13-14-майларда Чүй, Талас, Нарын, Ысык-Көл облустарында батыштан соккон шамалдын ылдамдыгы секундасына 17-22 метрге жетиши күтүлөт. Бул тууралуу Өзгөчө кырдаал министрлигинин басма сөз кызматы билдирет.

Туруксуз аба ырайы автоунаа, энергетика жана коммуналдык кызматтардын ишин жана кышкы жайыттарда малды кармоону кыйындатат.

электричество
Ош Ош шаарынын айрым аймактарында 14-май күнү 8 саатга свет өчөт

2018-жылдын 13-16-майында күтүлүп жаткан нөшөрлүү жаан-чачынга байланыштуу республиканын тоолуу жана тоо этектериндеги райондорунда сел жүрүшү мүмкүн.

12-18-май күндөрү Кыргыз Республикасынын аймактарында күтүлгөн аба ырайы

12-майда түнкүсүн жаан-чачын күтүлбөйт, күндүз Чүй, Талас, Ош, Жалал-Абад, Баткен облустарында жаан жаап, күн күркүрөшү, бийик тоолуу райондордо кар жаашы күтүлөт. Ысык-Көл, Нарын облустарында жаан-чачын күтүлбөйт. Батыштан соккон шамалдын ылдамдыгы секундасына 4-9 метрден, күндүз Чүй, Талас жана Нарын облустарында 17-22 метрге жетиши күтүлөт.

13-14-май күндөрү көпчүлүк аймактарда жаан жаап, күн күркүрөшү, бийик тоолуу райондордо кар жаашы күтүлөт, Чүй, Ош, Жалал-Абад, Баткен облустарынын дыйканчылык аймактарында жана Ысык-Көл ойдуңунун чыгышында жаан-чачын катуу жаашы күтүлөт. Батыштан соккон шамалдын ылдамдыгы секундасына 4-9 метрден, 13-майда түнкүсүн Чүй, Нарын облустарында жана Ысык-Көл акваториясында, 13-майда күндүз жана 14-майда Нарын облусунда жана Ысык-Көл акваториясында 17-22 метрге жетиши күтүлөт.

15-16-май күндөрү көпчүлүк аймактарда мезгил-мезгили  менен жаан жаап, күн күркүрөшү, тоолуу райондордо кар жаашы күтүлөт, Ош, Жалал-Абад, Баткен облустарынын дыйканчылык аймактарында жана Ысык-Көл ойдуңунун чыгышында жаан-чачын катуу жаашы күтүлөт. Чуй облусунда жаан-чачын тоо этектеринде жана тоолуу райондордо күтүлөт, өрөөндөрдө жаан-чачын күтүлбөйт. Түндүк-батыштан соккон шамалдын ылдамдыгы секундасына 4-9 метрге жетет.

17-18-май күндөрү туруксуз аба ырайы сакталып турат: тоо этектеринде өткүн өтүп, күн күркүрөшү, тоолуу райондордо кар жаашы күтүлөт. Абанын күндүзгү температурасы  жогорулайт.

12-14-май күндөрү Бишкек шаарында күтүлгөн аба-ырайы

12-майда түнкүсүн жана күндүн биринчи жарымында жаан-чачын күтүлбөйт, күндүн экинчи жарымында жаан жаап, күн күркүрөшү күтүлөт. 13-14-майларда мезгил-мезгили менен жаан жаашы күтүлөт. Батыштан соккон шамалдын ылдамдыгы секундасына 4-9 метрден 12-майда кундүз жана 13-майда түнкүсүн 15-20 метрге жетиши күтүлөт.

 12-14-май күндөрү Ош шаарында күтүлгөн аба-ырайы

12-майда түнкүсүн жаан-чачын күтүлбөйт.

12-майда күндүз жана 13-14-майларда мезгил-мезгили менен жаан жаап, күн күркүрөшү күтүлөт. Батыштан соккон шамалдын ылдамдыгы секундасын 4-9 метрге жетет.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз. Ctrl+Enter.