Президент Сооронбай Жээнбеков  бүгүн, 16-августта Мамлекттик чек ара кызматынын башкармалыгынын Ош облусундагы «Жаңы-Жер» чек ара заставасынын жаңы комплексинин салтанаттуу ачылыш аземине катышты. Бул тууралуу мамлекет башчысынын басма сөз кызматы билдирет.

КР Куралдуу күчтөрүнүн генералдык штабынын начальниги Райимберди Дуйшенбиевдин айтмында, чек ара заставасында заманбап объектилер менен жабдылган модулдук эки кабаттуу административдик бөлмөлөрү бар казарма жана офицерлер жана прапорщиктер курамы, алардын үй-бүлөлөрү үчүн үйлөрдү камтыган имараттар комплекси курулуп жатат.

Жаңы комплекс эл аралык стандарттарга жооп берген бардык инфраструктуралар объектилери менен камсыздалган. Чек ара кызматынын өзгөчөлүгүн эске алуу менен жаңы комплекстин территориясында  машыгуучу плац, аскердик даярдыктан өтүү үчүн атайын жайлар, спорттук аянтчалар жайгашкан.

Мамлекет башчысы «Жаны Жер» чек ара засатавасынын жаңы комплексинин курулушу жана жабдылышы  Кыргызстандын ЕАЭБке кошулуу процессинин алкагында Кыргыз Республикасына техникалык көмөк көрсөтүү боюнча  Кыргызстан менен Орусиянын өкмөттөрүнүн ортосунда түзүлгөн макулдашуунун негизинде ишке ашырылган.

Президент Сооронбай Жээнбеков  чек арачыларга 250 миң сомдук сертификатты тапшырды.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз. Ctrl+Enter.